Posts

Showing posts from June, 2011

३६ अर्बको स्टिलजन्य वस्तु आयात

 काठमाडौं, १५ असार चालू आर्थिक वर्षको पछिल्लो १० महिनासम्ममा ३६ अर्ब २ करोड रुपैयाँबराबरको फलाम तथा स्टिलजन्य वस्तु आयात भएको छ । व्यापार तथा निकासी केन्द्रको तथ्यांकअनुसार यो रकम अघिल्लो वर्षको सोही अवधिको तुलनामा ३६.८ प्रतिशतले बढी हो । केन्द्रका अनुसार चालू आवको १० महिनामा सबैभन्दा धेरै आयात हुने वस्तुमध्ये फलाम तथा स्टिलजन्य वस्तु दोस्रो स्थानमा परेको छ । यो अवधिमा सबैभन्दा धेरै ५७ अर्ब ९ करोड रुपैयाँबराबरको पेट्रोलियम पदार्थ आयात भएको केन्द्रले जनाएको छ । केन्द्रका अनुसार चालू आवको पछिल्लो १० महिनामा आयातित वस्तुमा मात्रै १०.९ प्रतिशतले वृद्धि भएको छ । नेपालमा पेट्रोलियम पदार्थ, औषधिजन्य वस्तु, पामवेल, फलामजन्य वस्तु, सवारीसाधनका पार्टपुर्जा, विद्युतीय सामग्री, पोलिथिनका लागि आवश्यक पर्ने कच्चा पदार्थ, सुनलगायतका वस्तु अत्यधिक आयात हुने गरेका छन् । तथ्यांकअनुसार यो अवधिमा २० अर्ब रुपैयाँबराबरका सवारीजन्य सामान र १५ अर्ब ३२ करोड रुपैयाँबराबरको विद्युतीय सामान आयात भएकोे छ । यसैगरी यो अवधिमा ९ अर्ब ३४ करोडबराबरको औषधिजन्य वस्तु, २० अर्ब ४९ करोडबराबरको पोलिथिनजन्य कच्चा पदार्थ र

नेपाल साबुनमा आत्मनिर्भर बन्न सकेन

निरु अर्याल काठमाडौं, २९ कात्तिक व्यवसायीहरूले सरकारको असहयोगका कारण साबुन उत्पादनमा मुलुक आत्मनिर्भर बन्न नसकेको आरोप लगाएका छन् । साबुन उत्पादनमा नेपाल आत्मनिर्भरताको नजिक पुगे पनि सरकारी उदासीनताले यसको सम्भावना न्यून देखिएको उनीहरूको गुनासो छ । व्यवसायीका अनुसार विगत केही वर्षदेखि सरकारले साबुन निर्यातमा चर्को मूल्य अभिवृद्धि कर (भ्याट) लागू गरेपछि यसको सम्भावना कम हुँदै गएको हो । विद्यमान कानुनअनुसार साबुन निर्यातका लागि १३ प्रतिशत भ्याट बुझाउनुपर्छ । “सरकारलाई राजस्व बुझाउनमै उत्पादनको अधिकांश आम्दानी प्रयोग हुन्छ,” स्वदेशी साबुन उद्योगका प्रबन्धक विष्णु श्रेष्ठले भने । साबुन उत्पादनका लागि आवश्यक क्लास्टिक सोडा, तेलो फ्याट, पाम एसिडलगायतका वस्तुहरू तेस्रो मुलुकबाट आयात हुँदै आएका छन् । व्यवसायीका अनुसार उत्पादित ४० प्रतिशत साबुन तेस्रो मुलुकमै निर्यात हुन्छ । यद्यपि लुगाधुने साबुनको तुलनामा नुहाउने साबुन भने बाहिरबाटै आयात हुन्छ । साबुन उत्पादनका लागि अधिकांश कच्चा पदार्थ वनस्पती घिउ उद्योगले उपलब्ध गराउँदै आएका छन् । केही वर्षयता भारत सरकारले वनस्पती घिउ आयात

घर–जग्गा व्यवसायीमा निराशा

Image
निरू अर्याल काठमाडौं, १९ मंसिर नेपाल राष्ट्र बैंकले कर्जामा कडाइ गरेपछि घर–जग्गाको कारोबार गर्ने कम्पनी दर्तामा उल्लेख्य कमी आएको छ । कम्पनी रजिस्टार कार्यालयका अनुसार अघिल्लो वर्षकोे तुलनामा यो वर्ष दर्ता हुने रियलस्टेट कम्पनी संख्यामा करिब ३ सयले कमी आएको छ । यसवर्ष ७ सय ९० यस्ता कम्पनी दर्ता भएका छन्, जबकि अघिल्लो वर्ष ११ सयको हाराहारीमा कम्पनी थपिएका थिए । अर्थतन्त्रका सबैखाले परिसूचक ओरालो लागिरहेका बेला घर–जग्गा कारोबारमा भएको अनियन्त्रित वृद्धिलाई रोक्न गत वर्ष पुसको पहिलो सातामा राष्ट्र बैंकले बैंक तथा वित्तीय संस्थालाई रियलस्टेट शीर्षकमा दिइने ऋणमा कडाइ गरेको थियो । यो व्यवस्थालगत्तै घर–जग्गा व्यवसाय ओरालो लागेको थियो । “बैंकले रियलस्टेटको कारोबारमा कडा नीति प्रस्तुत ग¥यो, त्यसैको प्रभाव यस्ता कम्पनीको कारोबार गर्ने व्यक्तिलाई परेको छ,” कार्यालयका सहायक रजिस्टार टीकामणि न्यौपाने भन्छन्, “यो नीतिपछि घर–जग्गाा कारोबार गर्ने कम्पनी बिरलै मात्रामा दर्ता हुन आउँछन् ।” कार्यालयमा पछिल्लो नौ महिनाको अवधिमा ३ सयजति कम्पनीमात्र दर्ता भएको जानकारी उनले दिए । बैंकले

रोजगार र सम्बन्ध विस्तारमा ब्युटिपार्लर

Image
निरू अर्याल काठमाडौं नेपाली समाज रूपान्तरणसँगै घरभित्रको बुहार्तनलाई चिर्दै सम्पन्न परिवारका महिला पनि व्यवसाय सञ्चालनमा सक्रिय हुने गरेका छन् । सम्पन्न परिवारमा जन्मे हुर्केका छोरीचेलीले कुनै न कुनै व्यवसायलाई रोज्नै पर्ने भएपछि पछिल्लो समयमा ब्युटिपार्लर व्यवसाय उनीहरूको प्रमुख रोजाइमा परेको छ । आत्मनिर्भरता र परिचयका लागि व्यवसाय अपनाउने क्रममा छोरीचेलीले राजधानीलगायतका सहरमा कस्मेटिक सामग्रीसहितका ब्युटिपार्लर सञ्चालन गर्दै आएका छन् । कम लगानीबाट सञ्चालन गर्न सकिने र सीपमा निख्खारतासँगै सम्बन्ध विस्तार हुने भएकाले ब्युटिपार्लर व्यवसाय उनीहरूको रोजाइमा परेको हो । मध्यमवर्गीय सम्पन्न परिवारकी इरा अधिकारीले विवाह पश्चात्को गृहणी जीवनलाई रूपान्तरण गर्दै ब्युटिपार्लरको तालिमपश्चात् व्यवसायमा हात हालेकी छन् । हाडीगाउँस्थित नारायणथान टोलमा साई ब्युटिपार्लर सञ्चालन गरेकी अधिकारीले आम्दानीको स्रोतसँगै समयको सदुपयोग हुने भएकाले पार्लर सञ्चालन गरेको बताइन् । जागिरे श्रीमान्को कार्यक्षेत्रमा आश्रित भएर जानुभन्दा आफै केही गर्नुपर्छ भन्ने सोचले करिब १ लाख रुपैयाँको लगानीमा प

नेपाली उद्योगमा ५८ अर्बको विदेशी लगानी

निरू अर्याल विदेशी लगानीका १८९८ उद्योग दर्ता *   १ लाख ४४ हजार ५ सय १३ लाई रोजगारी *    भारतपछि लगानी गर्नेमा चीन र अमेरिका  काठमाडौं, २८ मंसिर नेपालमा प्रत्यक्ष विदेशी लगानीको अवस्था खस्कँदै गइरहेको बताइए पनि लगानीको प्रतिबद्धता भने घटेको छैन । सरकारी निकायहरूका अनुसार पछिल्ला दिनमा राजनीतिक अस्थिरता बढे पनि विदेशी लगानीका उद्योग दर्ता हुने क्रम घटेको छैन । चालू आर्थिक वर्षको पहिलो चौमासिकको अन्त्यसम्म नेपालमा ५७ अर्ब ९५ करोड ७६ लाख लाख रुपैयाँ बराबरको विदेशी लगानी प्रतिबद्धता प्राप्त भएको छ । नेपालमा विदेशी लगानीका १ हजार ८ सय ९८ उद्योग दर्ता भएका छन् । ती उद्योगमा नेपाली साझेदारसहित कुल लगानी १ खर्ब १९ अर्ब ७३ करोड ३९ लाख रुपैयाँ रहेको विभागको तथ्यांक छ । नेपालमा लगानी गर्ने मुलुकमध्ये छिमेकी देश भारत पहिलो स्थानमा रहेको उद्योग विभागले जनाएको छ । विभागका अनुसार भारतले नेपालमा सञ्चालित र हुन लागेका ४ सय ६२ वटा उद्योगमा करिब साढे २५ अर्ब रुपैयाँ लगानी गर्ने प्रतिबद्धता जनाएको छ । विभागमा लगानी प्रतिबद्धता जनाइएका सबै उद्योगहरू सञ्चालन भएका छन्÷छैनन् भनेर हेर्ने क

‘९३ प्रतिशत साना उद्योग संकटग्रस्त’

निरू अर्याल काठमाडौं, ४ पुस *    ३२ हजार साना उद्योग सञ्चालनमा *   ९३  प्रतिशत उद्योग अनेक समस्याबाट ग्रसित *   ९७ प्रतिशत उद्योग व्यक्तिगत *   साना उद्योगमा ३० अर्ब ३ करोड लगानी *   ४१ अर्ब ४९ करोड बराबरको वस्तु उत्पादन सञ्चालनमा रहेका ९३ प्रतिशत साना उद्योगहरू संकटग्रस्त अवस्थामा रहको एक अध्ययनले देखाएको छ । केन्द्रीय तथ्यांक विभागले आइतबार सार्वजनिक गरेको प्रतिवेदनअनुसार सञ्चालनमा रहेका मध्ये ७ प्रतिशत उद्योगमात्र सबल छन् । समस्यामा परेका कुल उद्योगमध्ये ४१ प्रतिशत उद्योगमा विद्युत् शक्तिको अभाव पहिलो समस्याको रूपमा देखिएको छ भने २१ प्रतिशत उद्योगले पुँजी अभावलाई प्राथमिकतामा राखेका छन् । त्यस्तै, उत्पादित वस्तुको बजारीकरण तथा कच्चापदार्थ अभावलाई ८÷८ प्रतिशत उद्योगले पहिलो समस्या भनी किटान गरेका छन् । नीति–नियम अभाव तथा बन्द–हड्ताललाई ३ प्रतिशत उद्योगले मात्रै समस्या देखाएको विभागले जनाएको छ । समयमै तलब सुविधा पु¥याउन नसक्नु तथा व्यवस्थापन र मजदुरबीचको विवादलाई मुख्य समस्या भन्ने उद्योग १ प्रतिशतमात्र छन् । विभागका अनुसार गत वर्षको असार मसान्तसम्म ३२ ह

१ सय २ उद्योगले सरकारी सुविधा पाउने

निरू अर्याल काठमाडौं, १५ पुस मुलुकभरका १ सय २ ठूला उद्योगले सरकारबाट घोषित सुरक्षालगायत अन्य विशेष सुविधा पाउने भएका छन् । सरकारले चालू आवको बजेटमा ५ सयभन्दा बढी मजदुर कार्यरत उद्योगलाई छुट्टै सुरक्षा टोली दिने घोषणा गरेको छ । त्यस्तै, सयभन्दा बढीलाई रोजगारी दिने उत्पादनमूलक उद्योगहरूलाई स्वास्थ्य र सडक पिचलगायतका सुविधा दिने बजेटमा छ । सरकारले निजी क्षेत्रको पहलमा ठूला उद्योगलाई सेवा–सुविधा दिने भने पनि यस्ता उद्योग कति छन् भन्ने वास्तविक तथ्यांक कुनै सरकारी निकायसँग छैन । नेपाल उद्योग वाणिज्य महासंघको तथ्यांकमा भने ५ सयभन्दा बढीलाई रोजगारी दिने २२ र सयभन्दा बढीलाई रोजगारी दिने ८० वटा उत्पादनशील उद्योग छन् । सरकारले बजेटमा ५ सयभन्दा बढी नेपालीलाई रोजगारी दिने उत्पादनशील उद्योगलाई उपस्वास्थ्य चौकीसरहको स्वास्थ्य संस्था उपलब्ध गराउने तथा सुरक्षाको प्रबन्धका लागि हातहतियारसहित कम्तीमा पाँच जना प्रहरी रहने गरी प्रहरी बिट स्थापना गर्ने घोषणा गरेको छ । महासंघका अनुसार ५ सयभन्दा बढीलाई रोजगारी दिने उद्योगमा सूर्य नेपाल, हुलास इन्डस्ट्रिज, सीजी फुड्स, डाबर नेपाल, इन्दुशंकर

पर्यटन क्षेत्रमा ६ अर्ब थप लगानी

निरू अर्याल काठमाडौं, १८ पुस नेपालले सन् २०११ लाई नेपाल पर्यटन वर्षको रूपमा मनाउने निर्णय गरेपछि उत्साहित व्यवसायीहरूले झन्डै ६ अर्ब नयाँ लगानी गरेका छन् । पर्यटन क्षेत्रमै कार्यरत व्यवसायीहरूले गरेको थप लगानीबारे स्पष्ट तथ्यांक नभए पनि सन् २०१० मा मात्र ४ अर्ब नयाँ लगानी थपिएको एक सरकारी निकायले जनाएको छ । उद्योग मन्त्रालयअन्तर्गत रहेको कम्पनी रजिस्टार कार्यालयका अनुसार गत वर्ष पर्यटन क्षेत्रमा लगानी ह्वात्तै बढेको छ । करिब दुई वर्षअघि घोषणा भएको पर्यटन वर्षसँगै १० लाख पर्यटक भित्र्याउनेलगायतका महत्वाकांक्षी लक्ष्यका कारण पर्यटन क्षेत्रमा लगानी बढेको हो । व्यवसायीहरूले मुलुकमा लगानीमैत्री वातावरण नरहेको बताइरहँदा पर्यटन क्षेत्रमा भएको यस्तो उत्साहजक लगानीले धेरैलाई आशावादीसमेत बनाएको छ । पर्यटन वर्ष घोषणा भएपछि यसको प्रत्यक्ष लाभ उठाउन देशभरका व्यवसायीले गत वर्षमा मात्रै झन्डै १२ सय नयाँ कम्पनी सञ्चालन गरी ३ अर्ब रुपैयाँ ५६ करोडको थप लगानीको प्रतिबद्धता जनाएका छन् । कार्यालयका अनुसार होटल, रेस्टुराँ, ट्राभल्स तथा टुर्स, टे«किङ एजेन्सी, ¥याफ्टिङलगायतका कम्पनीमा व्यवस

भ्यालेन्टाइन डेका लागि ४० लाखको फूल बिक्री हुने

Image
निरू अर्याल   काठमाडौं, १ फागुन यो वर्षको प्रणय दिवस (भ्यालेन्टाइन डे) मा ४० लाख रुपैयाँबराबरको गुलाब फूलमात्रै बिक्री हुने व्यवसायीले अनुमान गरेका छन् । यो रकम अघिल्लो वर्षको तुलनामा १५ लाख बढी हो । अघिल्लो वर्षभन्दा फूलको मूल्यमा १० प्रतिशतभन्दा बढीले वृद्धि भएको तथा भ्यालेन्टाइनका उपभोक्ता उच्च दरमा बढ्ने भएकाले फूलको कारोबार बढ्ने उनीहरूको ठम्याइ छ । नेपाल फ्लोरिकल्चर एसोसिएसनका अनुसार अघिल्लो वर्षको प्रणय दिवसमा २५ लाखबराबरको कारोबार भएको थियो । “प्रत्येक वर्षको प्रणय दिवसमा उल्लेख्य रूपमा व्यापार बढ्ने गरेको छ,” महासंघका महासचिव दिलीप बादे भन्छन् । उनले यस वर्ष सहज वातावरण देखिएकाले २० प्रतिशत उपभोक्ता बढ्न सक्ने जिकिर गरे । भ्यालेन्टाइनको समयमा खपत हुने गुलाबमध्ये ४० प्रतिशत भारतबाट आयात गरिएका हुन् । सामान्य अवस्थामा २० प्रतिशत फूल भारतबाट आयात गर्नुपर्छ । तर, भ्यालेन्टाइनमा गुलाबमात्रै धेरै खपत हुने भएकाले सो परिमाणमा आयात गर्नुपरेको एसोसिएसनले जनाएको छ । एसोसिएसनका अनुसार गत वर्ष २५ प्रतिशत मात्र फूल आयात गरिएको थियो । यो वर्षको प्रणय दिवसमा ६० देखि ६५ ह

भ्यालेन्टाइन डेका लागि ४० लाखको फूल बिक्री हुने

साढे ४ हजार घरेलु उद्योग बन्द

निरू अर्याल  काठमाडौं, २३ चैतपछिल्लो एक वर्षमा साढे ४ हजार घरेलु तथा साना उद्योग बन्द भएका छन् । घरेलु तथा साना उद्योग महासंघले बुधबार सार्वजनिक गरेको प्रतिवेदनअनुसार आव ०६६/०६७ मा मुलुकभर १३ हजार २० उद्योगमात्र सञ्चालनमा छन्, जुन अघिल्लो वर्षभन्दा ४ हजार ७ सय २ ले कम हो । घरेलु उद्योगीहरूका अनुसार सरकारको विभेद र ऊर्जा संकटका कारण यसरी उद्योग बन्द भएका हुन् । अझ चन्दा तथा आतंकले पनि उद्यमीहरूको मनोबल गिराएको उनीहरूले बताएका छन् । तथ्यांकअनुसार सुरुदेखि ०६५/०६६ को अन्त्यसम्म १ लाख १८ हजार ९ सय २२ उद्योग खारेज भएका छन् भने ५३ करोड ५१ लाख रुपैयाँ लगानी खेर गएको छ । यो अवधिमा ९ लाख ९८ हजार ९ सय ३० व्यक्तिको रोजगारी गुमेको महासंघको औद्योगिक प्रवद्र्धन तथ्यांकमा उल्लेख छ । ऊर्जा संकटका कारण पछिल्लो समयमा उद्योग बन्द हुने क्रम बढेको बताउँदै महासंघका महासचिव श्यामप्रसाद गिरीले सरकारले साना र ठूला उद्योगमा विभेदकारी नीति आवलम्बन गरेको गुनासो गरे । “ठूला उद्योग आफैंमा सक्षम छन् तर सरकारले उनीहरूलाई नै सेवा र सहुलियत दिएको छ,” उनले भने, “साना उद्योग आफैंमा समस्याग्रस्त छन्, उन

प्लास्टिक प्रतिबन्धको तयारी

निरू अर्याल सरकारले प्लास्टिक उत्पादन गर्ने उद्योग, प्रयोग गर्ने उपभोक्ता र बेच्ने व्यापारीलाई कारबाही गर्ने तयारी गरेको छ । प्लास्टिक प्रयोगले वातावरणमा ठूलो समस्या ल्याउने भन्दै सरकारले २० माइक्रोनसम्मका प्लास्टिक झोला विस्थापित गर्न लागेको हो । प्लास्टिक झोलाले ढलमा समस्या पर्ने र आगो लगाउँदासमेत नष्ट नहुने भएकाले प्रयोगमै प्रतिबन्ध लगाउन खोजिएको वातावरण मन्त्रालयले जनाएको छ । मन्त्रालयका अनुसार व्यवसायीसँग छलफल गरी यसबारे निर्णय लिइनेछ । छलफलका आधारमा आगामी डेढ महिनाभित्र निर्देशिका तयार गर्ने तथा त्यसको तीन महिनामा कार्यान्वयनमा ल्याउने तयारीमा मन्त्रालय छ । निर्देशिका आएपछि प्लास्टिक उत्पादन, उपभोग र बेचबिखन गर्ने सबैलाई कारबाही गरिने भएको छ । सरकारले यसअघि पनि २० माइक्रोनसम्मको झोला उत्पादन र उपयोगमा प्रतिबन्ध लगाउने घोषणा गरिसकेको थियो । राजनीतिक विवाद र व्यवसायीको असयोगले यो विषय ओझेलमा परेको थियो । “प्लास्टिकको प्रयोग सामान्यजस्तै भए पनि यसको दुरुपयोग भएकाले सम्बन्धित व्यवसायीको सहयोगमा २० माइक्रोनसम्मको प्लास्टिक झोला हटाउने तयारी गरिएको हो,” मन्त्रालयका सिनियर डिभिजनल इ

कार्पेट निर्यात १७.५ प्रतिशतले वृद्धि

Image
 काठमाडौं, ९ असारव्यवसायीले निर्यातित वस्तुको माग आउन छोडेको गुनासो गरे पनि चालू आर्थिक वर्षको १० महिनामा कार्पेट निकासीमा १७.५ प्रतिशतले वृद्धि भएको छ । व्यापार तथा निकासी प्रवद्र्धन केन्द्रका अनुसार चालू आवको साउनदेखि वैशाखसम्ममा ३ अर्ब ९२ करोड रुपैयाँबराबरको कार्पेट निर्यात भएको छ । गत वर्षको सोही अवधिमा ३ अर्ब ९२ करोड ५२ लाखको कार्पेट निकासी भएको थियो । गत वर्षको असार मसान्तसम्ममा कुल ४ अर्ब २५ करोड ६१ लाख रुपैयाँबराबरको कार्पेट निर्यात भएको केन्द्रले जनाएको छ । अघिल्लो वर्षको तुलनामा आंशिक रूपमा कार्पेटको निर्यात बढ्ने आशंका गरिए पनि मुलुकको आन्तरिक समस्याले गर्दा सोचेअनुरुप माग आउन नसकेको व्यवसायी बताउँछन् । केही समयअघि आएको मागका आधारमा निर्यात गरिरहेको जानकारी दिँदै नेपाल कार्पेट निर्यात एसोसिएसनका अध्यक्ष कवीन्द्रनाथ ठाकुरले गत वर्षको तुलनामा सामान्य वृद्धि भए पनि पछिल्लो समयमा निकासीजन्य वस्तुको माग ठप्प भएको गुनासो गरे । “अगाडिका वस्तुको मागका कारणले पछिल्लो समयमा निकासीमा वृद्धि हुन आएको हो,” उनले भने, “तर माग आउन ठप्प भएको छ ।” उनले निर्यातित वस्तुमा लाग्ने कच्चा पदार्थ

वैदशिक व्यापार ९ प्रतिशत बढ्यो

काठमाडौं, ११ असार चालू आवको वैशाखमा नेपालको वैदेशिक व्यापार ३६५.९८ अर्ब रुपैयाँ पुगेको छ, जुन अघिल्लो आवको तुलनामा ९.१ प्रतिशतले बढी हो । अघिल्लो वर्षको सोही अवधिमा नेपालको वैदेशिक व्यापार ३३५.४५ अर्ब थियो । चालू आवको प्रथम १० महिनाको तथ्यांकअनुसार यो अवधिमा नेपालको व्यापार घाटा भने १०.९ प्रतिशतले बढेर २ सय ६१ अर्ब ७७ करोड पुगेको छ । अघिल्लो वर्षको सोही अवधिमा २ सय ३६ अर्ब ४ करोड १५ लाख रुपैयाँ थियो । अघिल्लो वर्ष तयारी पोसाक पोलिस्टर तथा अन्य धागो, मुसुरोको दाललगायतका सामानको निर्यात बढे पनि फलाम तथा स्टिलका उत्पादन, पेटोलियम पदार्थ, पोलिथिन, पाम आयल रसायन जस्ता सामानको आयातमा वृद्धि भएकाले व्यापार घाटा बढेको केन्द्रले जनाएको छ । केन्द्रका अनुसार यो अवधिमा १४.२ प्रतिशतको व्यापार निर्यात र ८५.८ प्रतिशत आयात भएको छ ।  नेपालको कुल निकासी ४.८ प्रतिशतले बढेर ५२.११ अर्ब रुपैयाँ पुगेको तथ्यांकमा छ । यस्तै अघिल्लो वर्षको पहिलो १० महिनाको तुलनामा ४.८ प्रतिशतले निर्यात बढेर  ५२ अर्ब ११ करोड रुपैयाँ पुगेको छ भने आयात पनि ९.८ प्रतिशतले बढेर ३ सय १३ अर्ब ८७ करोड पुगेको छ । आव ०६६÷६७ को १० मह

२० वर्षमा १ लाख उद्योग खारेज

Image
निरू अर्याल २७ जुन २०११ काठमाडौं, १२ असार बन्द, हड्ताल, औद्योगिक असुरक्षा एवं लगानीमैत्री वातावरणको अभावमा ०४७ सालयता दर्ता भएका घरेलु तथा साना उद्योगमध्ये १ लाख १८ हजार उद्योग खारेज भएका छन् । घरेलु तथा साना उद्योग विभागले हालै सार्वजनिक गरेको औद्योगिक प्रवद्र्धन तथ्यांक ०६७ अनुसार चालू आवको चैत मसान्तसम्म विभागमा दर्ता भएका करिब २ लाख ३० हजारमध्ये करिब ५० प्रतिशत उद्योग खारेज भएको देखिएको हो । ऊर्जा संकट, कच्चा पदार्थको अभाव, राजनीतिक अस्थिरता, बैंकको चर्को ब्याज, पूर्वाधार अभावजस्ता समस्याले उद्योग खारेज भएको विभागले जनाएको छ । तथ्यांक अनुसार यो अवधिमा ५३ अर्ब ५१ करोड ४९ लाख रुपैयाँबराबरको लगानी खेर गएको छ । उद्योगको अवस्थाबारे कुनै विवरण नभए पनि यो अवधिमा करिब १० लाखको रोजगारी गुमेको तथ्यांकले देखाएको छ । यो संख्या मुलकभरबाट विभागमा दर्ता हुन आएका घरेलु तथा साना उद्योगको मात्रै हो । सो अवधिमा ९ लाख ९८ हजार ९ सय ३० जनाको रोजगारी गुमेको घरेलु तथा साना उद्योग महासंघको औद्योगिक प्रवद्र्धन तथ्यांकले देखाएको छ । राजनीतिक अस्थिरताका कारण लगानीमैत्री वातावरण नभएकाले उद्योगहरू धमाध

औद्योगिक विकासका लागि चाल्नुपर्ने कदम

Image
नेपालमा योजनाबद्ध विकासको थालनी हुनुभन्दा २० वर्षअघिदेखि वि.सं. १९९३ मा विराटनगर जुटमिलको स्थापनासँगै नेपालमा आधुनिक उद्योग स्थापनाको इतिहास सुरु भएको हो । औद्योगिक विकासको सुरुवात भएको लामो समय बितिसकेको र विगतदेखिका आवधिक योजनाले उद्योग क्षेत्रको विकासका लागि पहल गरेर उद्योग क्षेत्रले देशको आर्थिक विकासमा सक्दो योगदान पु¥याए तापनि यसबाट सन्तोष मान्न सकिने स्थिति भने छैन । मुलुकको कुल गार्हस्थ्य उत्पादनमा उद्योगक्षेत्रको योगदान १० प्रतिशतभन्दा कम रहेको तथ्यले नेपालको औद्योगिक अवस्था प्रस्ट हुन्छ । विभिन्न समस्याबाट औद्योगिक क्षेत्र ग्रसित छ । लामो समयदेखि औद्योगिक क्षेत्रमा लगानी बढ्न सकिरहेको छैन । विद्युत् आपूर्तिमा भएको कमीले औद्योगिक उत्पादनमा नकारात्मक असर परेको छ । बारम्बार हुने बन्द–हड्तालले आवश्यक कच्चापदार्थको आपूर्तिमा व्यवधान उत्पन्न गराउनुका साथै उत्पादित वस्तुलाई बजारसम्म पु¥याउन कठिनाइ भएको छ । विभिन्न राजनीतिक दल, तिनका भ्रातृ संगठन र विविध खालका माग राखेर छुट्टाछुट्टै समूहले बेलाबखतमा गर्ने बन्द, हड्तालले समेत उद्योग–व्यवसायीले ठूलो समस्या झेल्नुपरेको छ ।

‘हलो ब्रिक’ प्रवद्र्धन गर्न कार्यशाला

कारोबार संवाददाता काठमाडौं, ६ असार उद्योग मन्त्रालयअन्तर्गतको औद्योगिक ऊर्जा व्यवस्था आयोजनाले अन्तर्राष्ट्रियस्तरमा प्रयोग भइरहेकोे ‘हलो ब्रिक’ नामक इँटा नेपालमा ल्याउने तयारी गरेको छ । गह्रुँगो इँटाले नेपालमा भूकम्पीय खतरा बढ्न थालेको भन्दै आयोजनाले कम तौल भएको र बनाउँदा थोरै बिजुली खपत हुने इँटा ल्याउन लागेको हो । यो इँटाको प्रवद्र्धनका लागि राजधानीमा सोमबारदेखि हलो ब्रिकसम्बन्धी दुई दिने कार्याशाला सुरु भएको छ । नेपालमा दिनप्रतिदन घर निर्माण हुने क्रम बढ्दै गएको र नयाँ–नयाँ प्रविधिबारे व्यवसायीलाई जानकारी गराउन कार्यशालाको आयोजना गरिएको हो । कार्याशालामा अन्तर्राष्ट्रियस्तरमा समेत अत्यधिक रुचाइएको ‘हलो ब्रिक’ नामक इँटाबारे छलफल हुनेछ । उद्योग मन्त्रालयअन्तर्गतको औद्योगिक ऊर्जा व्यवस्थापन आयोजनाद्वारा आयोजित कार्यक्रममा करिब ५० इँटा व्यवसायी सहभागी छन् । कार्यक्रममा नेपालको प्रविधि विकासमा धेरै लामो समयदेखि काम गर्दै आएको जर्मन विकास सहयोग नियोग र नर्थ इस्ट इनर्जी इफिसिएन्सी पार्टनरसिप (एनईईपी) नामक दुई गैरसरकारी संस्थाले सहभागिता जनाएका छन् । कार्यक्रममा यो क्षेत

नीतिगत समस्याले साना उद्योग ओझेलमा

कारोबार संवाददाता २० जुन २०११, २:४२ बजे नीतिगत समस्याले अधिकांश घरेलु तथा साना उद्योग ओझेलमा परेको सरोकारवालाहरुले गुनासो गरेका छन् । उद्यमी व्यवसायीका समस्यालाई सम्बोधन गर्ने वातावरण गराउने उद्देश्यले घरेलु तथा साना उद्योग कार्यालयले आइतबार राजाधानीमा आयोजना गरेको अन्तत्र्रिmयामा सहभागी अधिकांश उद्यमीले उद्योगको सञ्चालनमा नीतिनियम पारदर्शी नभएको गुनासो गरे । अर्थतन्त्रको मेरुदण्डका रूपमा लिइएको घरेलु तथा साना उद्योग राजनीतिक कारणले ओझेलमा परेको भन्दै घरेलु तथा साना उद्योगका कार्यालय प्रमुख ताराप्रसाद भट्टराईले नीति बन्ने र ऐन कार्यान्वयनमा आउन नसक्दा उद्योग दर्तामा समेत ह्रास आएको बताए । नयाँ नीतिमा विद्युत, कृषिलगायतका क्षेत्रमा छुट्ट्याएको सेवा सुविधाबाट उद्यमीहरु वञ्चित हुनुपरेको धारणा राख्दै उनले भने, “सरकारको प्राथमिकतामा कर उठाउने विषय अगाडि छ तर उत्पादन क्षेत्रमा लगानी गर्ने र उद्यमीलाई प्रोत्साहन गर्ने विषय ओझेलमा छ ।” नेपाल घरेलु तथा साना उद्योग महासंघ गुणस्तर तथा उत्पादकत्व अभिवृद्धि समितिका सभापति विष्णुबहादुर लुइँटेलले नीतिको अस्पष्टताले साना उद्योगमा समस्या थपिँदै ग

धातुका सामान बनाउन भ्याकुम कस्टिङ मेसिन

काठमाडौं, १ असार ललितपुर हस्तकला संघले धातुजन्य वस्तुको सामान उत्पादन गर्ने भ्याकुम कस्टिङ मेसिन सञ्चालनमा ल्याउने भएको छ । हस्तकला सामानको अन्तर्राष्ट्रियस्तरमा दैनिकजसो माग बढ्दै गएको भन्दै संंघले नयाँ मेसिन ल्याउन लागेको हो । धातुका मूर्ति ढलाइ एवं चाँदीका वस्तु उत्पादन गर्ने उद्यमीलाई परम्परागत प्रविधिभन्दा वस्तुको उत्पादनमा छिटोछरितो र सूक्ष्म तथा डिजाइनसमेत सफासँग निकाल्न सकिने संघले जनाएको छ । यो मेसिनको माध्यमबाट न्यूनमात्रामा कामदारको प्रयोग सामान उत्पादनमा भारी वृद्धि र कम ऊर्जाको खपत तथा वातावरणमैत्री रूपमा काम गर्न सकिने संघको दाबी छ । संघका अनुसार उल्लिखित प्रविधि सञ्चालनबाट उद्योगको उत्पादन क्षमतामा वृद्धि भई उत्पादकत्व पनि बढ्नेछ । यसैगरी कम समयमा बढी उत्पादन गरी हस्तकलाका धातु, मूर्तिकला र सुनचाँदीका गरगहनाको अन्तर्राष्ट्रिय बजारमा प्रतिस्पर्धा गर्न सहज हुने मेसिनका आविष्कारक अर्थात् ललितपुर हस्तकला संघका सदस्य किरण शाक्यले जानकारी दिए । उनले मेसिनबिना सामान तयार गर्दा धुलो, धुवाँ र वातावरणमा धेरै असर गर्ने गरेको जानकारी दिँदै मेसिनले यस्ता खालका कुनै समस्या नआउने ब

धातुका सामान बनाउन भ्याकुम कस्टिङ मेसिन

काठमाडौं, १ असार ललितपुर हस्तकला संघले धातुजन्य वस्तुको सामान उत्पादन गर्ने भ्याकुम कस्टिङ मेसिन सञ्चालनमा ल्याउने भएको छ । हस्तकला सामानको अन्तर्राष्ट्रियस्तरमा दैनिकजसो माग बढ्दै गएको भन्दै संंघले नयाँ मेसिन ल्याउन लागेको हो । धातुका मूर्ति ढलाइ एवं चाँदीका वस्तु उत्पादन गर्ने उद्यमीलाई परम्परागत प्रविधिभन्दा वस्तुको उत्पादनमा छिटोछरितो र सूक्ष्म तथा डिजाइनसमेत सफासँग निकाल्न सकिने संघले जनाएको छ । यो मेसिनको माध्यमबाट न्यूनमात्रामा कामदारको प्रयोग सामान उत्पादनमा भारी वृद्धि र कम ऊर्जाको खपत तथा वातावरणमैत्री रूपमा काम गर्न सकिने संघको दाबी छ । संघका अनुसार उल्लिखित प्रविधि सञ्चालनबाट उद्योगको उत्पादन क्षमतामा वृद्धि भई उत्पादकत्व पनि बढ्नेछ । यसैगरी कम समयमा बढी उत्पादन गरी हस्तकलाका धातु, मूर्तिकला र सुनचाँदीका गरगहनाको अन्तर्राष्ट्रिय बजारमा प्रतिस्पर्धा गर्न सहज हुने मेसिनका आविष्कारक अर्थात् ललितपुर हस्तकला संघका सदस्य किरण शाक्यले जानकारी दिए । उनले मेसिनबिना सामान तयार गर्दा धुलो, धुवाँ र वातावरणमा धेरै असर गर्ने गरेको जानकारी दिँदै मेसिनले यस्ता खालका कुनै समस्या नआउने ब

पस्मिनाको गुणस्तर कायम गर्न संघ र विभागबीच सम्झौता

Image
काठमाडौं, २९ जेठनेपाल पस्मिना उद्योग संघले हालै सार्वजनिक गरेको च्याङ्ग्रा पस्मिनाको गुणस्तर कायम गर्ने विषयमा संघ र नेपाल गुणस्तर तथा नापतौल विभागबीच सम्झौता भएको छ । नेपालमा उत्पादन हुने च्याङ्ग्रा पस्मिनाको अन्तर्राष्ट्रियस्तरमा प्रचारप्रसार गर्ने तथा दुबै निकायबीचको सम्बन्धलाई सुमधुर गराउने विषयमा सम्झौता भएको संघले जनाएको छ । सम्झौतापत्रमा संघको तर्फबाट अध्यक्ष पुष्पमान श्रेष्ठ र विभागका तर्फबाट महानिर्देशक डा. सीताराम जोशीले हस्ताक्षर गरेका छन् । सम्झौतापत्रमा पस्मिनाको सामूहिक व्यापार चिह्न प्रभावकारी ढंगबाट व्यवस्थापन गर्न संघले व्यापार चिह्नको लेबल वितरण गर्नुअघि सम्बन्धित वस्तुको नमुना फाइबर र सुटेजको गुणस्तर परीक्षण विभागबाट गरिने जनाइएको छ । सम्झौताअनुसार संघबाट उपलब्ध गराइएको नमुना वस्तुको गुणस्तर परीक्षणको नतिजा प्राप्त भएको दिनसहित पाँच दिनभित्र विभागले संघलाई उपलब्ध गराउनुपर्ने छ  । यस्तै संघले च्याङ्ग्रा पस्मिनाको सामूहिक व्यापार चिह्न प्रयोग गर्ने सन्दर्भमा फाइबर डाइमेटर मापन गर्ने, पस्मिनाको शुद्धता परीक्षण गर्ने, कम्पोसिजन हेर्ने र त्यसको मिश्रित फाइवर पहिचान गर

पस्मिनाको गुणस्तर कायम गर्न संघ र विभागबीच सम्झौता

काठमाडौं, २९ जेठ नेपाल पस्मिना उद्योग संघले हालै सार्वजनिक गरेको च्याङ्ग्रा पस्मिनाको गुणस्तर कायम गर्ने विषयमा संघ र नेपाल गुणस्तर तथा नापतौल विभागबीच सम्झौता भएको छ । नेपालमा उत्पादन हुने च्याङ्ग्रा पस्मिनाको अन्तर्राष्ट्रियस्तरमा प्रचारप्रसार गर्ने तथा दुबै निकायबीचको सम्बन्धलाई सुमधुर गराउने विषयमा सम्झौता भएको संघले जनाएको छ । सम्झौतापत्रमा संघको तर्फबाट अध्यक्ष पुष्पमान श्रेष्ठ र विभागका तर्फबाट महानिर्देशक डा. सीताराम जोशीले हस्ताक्षर गरेका छन् । सम्झौतापत्रमा पस्मिनाको सामूहिक व्यापार चिह्न प्रभावकारी ढंगबाट व्यवस्थापन गर्न संघले व्यापार चिह्नको लेबल वितरण गर्नुअघि सम्बन्धित वस्तुको नमुना फाइबर र सुटेजको गुणस्तर परीक्षण विभागबाट गरिने जनाइएको छ । सम्झौताअनुसार संघबाट उपलब्ध गराइएको नमुना वस्तुको गुणस्तर परीक्षणको नतिजा प्राप्त भएको दिनसहित पाँच दिनभित्र विभागले संघलाई उपलब्ध गराउनुपर्ने छ  । यस्तै संघले च्याङ्ग्रा पस्मिनाको सामूहिक व्यापार चिह्न प्रयोग गर्ने सन्दर्भमा फाइबर डाइमेटर मापन गर्ने, पस्मिनाको शुद्धता परीक्षण गर्ने, कम्पोसिजन हेर्ने र त्यसको मिश्रित फाइवर पहिचान गर

रेशम खेतीले उत्साहित बनायो

Image
रामनाथ अधिकारी सञ्चालक रेशम प्रशोधन तथा स्रोतकेन्द्र, धादिङ पञ्चायतकालमा म किमुको खेती गर्थें । बाबु–बाजेले किमुखेती गर्ने हुँदा म पनि त्यसैमा रमाउँथें । अहिले पेसा फेरिएको छ । हिजो–आज म रेशम धागो उत्पादन गर्न रमाउन थालेको छु । मेरो जग्गामा भएको किमुको घाँस रेशम कीरा पाल्ने व्यवसायीले किन्थे । पछि अरुलाई बेच्नुभन्दा आफै यसमा किन नलाग्ने भन्ने भयो । घाँस भएपछि कीरा पाल्न तथा रेशम धागो उत्पादन गर्न सहज हुने भएकाले म यो पेसातिर तानिएँ । सुरुमा काभ्रको खोपासी भन्ने ठाउँबाट १ हजार रुपैयाँमा ५ हजार कीरा किनेर ल्याएको थिएँ । त्यो सानो परिमाणको व्यवसाय अहिले झन्डै ८ लाख रुपैयाँमा पुगेको छ । काम गर्दै जाँदा धेरै अनुभव सँगाल्न पाएकोले अन्य पेसातिर ध्यानै गएन । रेशमखेती आयआर्जनका लागि निकै सजिलो पेसा भएकाले पनि मन अरुतिर गएन । यसबाट आयआर्जन गर्न सकिएपछि परिवार पनि निकै उत्साहित भएका छन् । २५ वर्ष भयो– अहिलेसम्म यो कामबाट घाटा बेहोरेको छैन । काम गर्न जानियो र इमान्दार भइयो भने जस्तो कामबाट पनि सफल हुन सकिन्छ । यही खेती गरेर मैले उद्योगलाई आवश्यक पर्ने चर्खा, सोलारलगायत अधिकांश

युूरोपमा नेपाली हस्तकला प्रदर्शनी

Image
कारोबार संवाददाता ०७ जुन २०११, ११:२६ बजे  काठमाडौं, ैं, २३ जेठयुूरोपका विभिन्न मुलुकमा नयाँ बजारको खोजी गर्ने उद्देश्यले नेपाल हस्तकला महासंघको ८ सदस्यीय टोलिी सोमबार युरोप प्रस्थान गरेको छ ।  यूुरोपियेन ली मुलुकहरुहरूमा महासंघले सोमबारदेखि आयोजना गरेको  गरेको १५ दिने क्रेता ता–बिक्रविक्रेता भेटघाट कार्यक्रममा सहभागिी हुन महासंघका निबतनिवर्तमान अध्यक्ष पुस्ष्करमान शाक्यको नेतृत्वमा बिभिन्न विभिन्न बिधाका विधाका हस्तकला ब्यवव्यवसायीको टोली त्यसतर्फ प्रस्थान गरेको नेपाल हस्तकला महासंघले जनाएको छ । हो । नेपाली टोलीमा वल्र्ड नेपालका प्रबन्ध निर्देशक डिल्ली रत्न तुलाधर सहित लक्ष्मी गोपाल श्रेष्ठ, स्वयंम्भूरत्न तुलाधर, र, मोहन हन शाह, नरेन्दलाल शाक्य, सुरेन्द्र संग्रौला  र रमेश तिम्सिना लगायतका व्यवसायीहरु  सहभागी छन् । यो अवबधिीभर नेपाली सामानको प्रर्दर्शनी गर्ने तथा त्यहाँका उद्यमीहरुहरूसँग प्रत्यक्ष भेटघाट गर्ने बताईएको छ । कार्यक्रम रहेको महासंघले जनाएको छ । महासंघका अनुसार टोलिीले जर्मन, अष्टिअस्ट्रिया, बेल्जियमलगायतका देशमा नेपाली हस्तकलाको सामानको 

सहकारीमार्फत नयाँ औद्योगिक क्षेत्र स्थापना गर्दैछौं

अहिलेसम्म जे–जति औद्योगिक क्षेत्र सञ्चालनमा छन्, सबै पञ्चायतकालमा खुलेका हुन् । ०४६ सालयता नयाँ औद्योगिक छेत्र खोल्ने कुरा नारामा मात्रै सीमित देखिएको छ । हाम्रो देशमा ‘रुल अफ ल’ नै छैन ।  एजाज आलम अध्यक्ष, रुपन्देही उद्योग संघ मुलुकको समग्र औद्योगिक क्षेत्र धराशायी बन्दै गइरहेका बेला पश्चिम नेपालका उद्योगहरू पनि संकटमुक्त छैनन् । पश्चिम क्षेत्रमा खोलिएका उद्योगहरू धमाधम बन्द हुन थालेका छन्, नयाँ उद्योग खोल्ने क्रम ह्वात्तै घटेको छ । यस्तो जटिल अवस्थामा पनि बुटवल औद्योगिक करिडोरका उद्योगहरूले उत्पादनमा ३० देखि ३५ प्रतिशतसम्म वृद्धि गर्दै आएका छन् । उद्योग–व्यवसाय सञ्चालन गर्न सरकारले कुनै चासो नदेखाएपछि यहाँका उद्योगी–व्यवसायीले छुट्टै औद्योगिक विकास सहकारी दर्ता गरेका छन् । यसैको सेरोफेरोमा रहेर करिब १५ वर्षसम्म औद्योगिक करिडोरमा उद्योग सञ्चालन गरिरहेका तथा पाँच वर्षदेखि निरन्तर रुपन्देही उद्योग संघमा आबद्ध प्रतिष्ठित व्यवसायी एजाज आलमसँग बुटवल क्षेत्रको औद्योगिक अवस्था तथा हालसम्म यहाँका उद्यमीहरूले भोग्दै आएको चुनौतीका बारेमा निरु अर्याल र टोपराज शर्माले गरेको कुराक

रियलस्टेट र कन्स्ट्रक्सन दर्तामा ४७ प्रतिशत गिरावट

Image
निरू अर्याल Add caption काठमाडौं, २२ जेठ पछिल्लो ५ पाँच महिनामा घरजग्गा तथा रियलस्टेट कारोबार गर्ने कम्पनीको दर्तामा ४७ प्रतिशतले गिरावट आएको छ । । घरजग्गा शीर्षकमा बैंकले दिँदै आएको ऋणमा समेत  कडाई भएपछि यस्तो कारोबार गर्ने कम्पनी दर्तामा समेत कमी गिरावट आउन थालेको हो । एको हो । कम्पनी राजिष्टाजिस्ट्रारको कार्यालयको तथ्याँंक अनुसार चालुू आवको पछिल्लो ५ पाँच महिनामा १ सय २६ वटा रियलस्टेट तथा कन्स्ट्रक्सन कम्पनी दर्ता भएका छन् । जबकि, अघिल्लो वर्षको  सोही अवधिीमा २ सय ३९ वटा यस्ता उद्योग दर्ता भएका थिए । तथ्याँंक अनुसार अघिल्लो वर्षको तुलनामा पछिल्लो वर्षमा  १ सय १३ कम्पनी कम दर्ता छन् । चालु आवको पछिल्लो ५यो वर्ष पाँच  महिनामाको अवधीमा  १० वटा मात्रै रियलस्टे«ेट कम्पनी दर्ता भएका छन् । े जानकारी दिदै रजिष्ट्रारका एक अधिकारीले घरजग्गा मात्र नभएर अन्य कम्पनीको दर्तामा उल्लेख्य गिरावट आएको बताए । उनका अनुसार गत वर्षको  सोही अवधिीमा ७५ वटा यस्ता ७५ वटा कम्पनी दर्ता भएका थिए । रियलस्टेटमात्र नभई अन्य कम्पनीको दर्तामा समेत उल्लेख्य गिरावट आएको कार्यालयले जनाएको छ । “रियल

नेपालमा २१ लाख बालश्रमिक

निरु अर्याल/मोहन गुरुङ काठमाडौं, २४ जेठ नेपालमा झन्डै २१ लाख बालबालिका श्रम कानुनद्वारा निषेधित क्षेत्रमा श्रमिकका रूपमा कार्यरत छन् । राष्ट्रिय योजना आयोग र अन्तर्राष्ट्रिय श्रमिक संगठन (आईएलओ) को सहयोगमा केन्द्रीय बालकल्याणकारी समितिले बुधबार सार्वजनिक गर्ने तयारी गरेको अध्ययन प्रतिवेदनमा यो तथ्यांक छ । प्रतिवेदनअनुसार कृषि क्षेत्रमा सबैभन्दा बढी १८ लाख ७१ हजार बालबालिकाले काम गरिरहेका छन् । व्यापारिक क्षेत्रमा ३३ हजार, उत्पादनशील उद्योगमा २९ हजार, होटल तथा रेस्टुराँमा २० हजार र निर्माण क्षेत्रमा ६ हजार बालबालिका श्रमिक छन् । यसबाहेक अन्य क्षेत्रमा काम गर्ने बालश्रमिकको संख्या ३ हजारभन्दा बढी छ । तथ्यांकअनुसार कुल श्रमिकसंख्यामध्ये १ लाख ३८ हजार बालबालिका ज्यालादारका रूपमा काम गर्छन् । प्रतिवेदनमा ६ लाख २१ हजार बालबालिकाले अत्यन्त जोखिमपूर्ण काम गरिरहेको उल्लेख छ । यसअघि सन् १९९८ मा योजना आयोग र आईएलओले गरेको सर्वेक्षणअनुसार नेपालमा २५ लाख बालबालिका श्रमिकका रूपमा कार्यरत थिए । श्रम तथा यातायात व्यवस्था मन्त्रालयका उपसचिव काशी दाहालले आन्तरिक स्रोत–साधन अभावले बा

तयारी पोसाक निकासीमा १२.८ प्रतिशत बढ्यो

Image
 निरू अर्याल काठमाडौं, १८ जेठ पछिल्लो ९ महिना अवधिमा मुलकबाट तयारी पोसाकको निकासी १२.८ प्रतिशतले बढेको भएको छ । व्यापार तथा निकासी प्रवद्र्धन केन्द्रको तथ्यांकअनुसार चालू आवको साउनदेखि  चैतसम्म झन्डै साढे ३ अर्ब ९८ करोड ८० लाखको तयारी पोसाक निर्यात भएको छ । यो रकम अघिल्लो वर्षको सोही अवधिको तुलनामा ५० करोड २३ लाख अर्थात १२.८ प्रतिशतले बढी हो । केन्द्रको तथ्यांकअनुसार आव ०६६/०६७ मा ३ अर्ब ७५ करोड ८१ लाख ६१ हजार बराबरको तयारी पोसाक निर्यात भएको थियो । यो अघिल्लो वर्षको सोही अवधिको तुलनामा झन्डै ६० करोडले कम हो । त्यस्तै, ०६५/०६६ मा ४ अर्ब ३५ करोड, ०६४/०६५ मा ३ अर्ब ३५ करोड र ०६३/०६४ मा ४ अर्ब ७१ करोड रुपैयाँ बराबरको पोसाक निर्यात भएको केन्द्रले जनाएको छ । केन्द्रका अनुसार नेपालमा उत्पादन हुने तयारी पोसाकका मुख्य आयातकर्ता युरोपेली मुलुक र भारत हुन् । त्यस्तै, अमेरिका, जर्मनी, बेलायत, फ्रान्स, क्यानडा, जापानलगायतका मुलकमा पनि पोसाक निर्यात हुने गरेको छ । युरोपेली मुलुकले नेपाली पोसाक अत्यधिक रुचाउने गरेका छन् । “नौ महिनाको तथ्यांकलाई आधार मान्ने हो भने यो वर्ष ४ अर्ब पु