Wednesday, June 29, 2011

पर्यटन क्षेत्रमा ६ अर्ब थप लगानी


काठमाडौं, १८ पुस
नेपालले सन् २०११ लाई नेपाल पर्यटन वर्षको रूपमा मनाउने निर्णय गरेपछि उत्साहित व्यवसायीहरूले झन्डै ६ अर्ब नयाँ लगानी गरेका छन् । पर्यटन क्षेत्रमै कार्यरत व्यवसायीहरूले गरेको थप लगानीबारे स्पष्ट तथ्यांक नभए पनि सन् २०१० मा मात्र ४ अर्ब नयाँ लगानी थपिएको एक सरकारी निकायले जनाएको छ ।
उद्योग मन्त्रालयअन्तर्गत रहेको कम्पनी रजिस्टार कार्यालयका अनुसार गत वर्ष पर्यटन क्षेत्रमा लगानी ह्वात्तै बढेको छ । करिब दुई वर्षअघि घोषणा भएको पर्यटन वर्षसँगै १० लाख पर्यटक भित्र्याउनेलगायतका महत्वाकांक्षी लक्ष्यका कारण पर्यटन क्षेत्रमा लगानी बढेको हो ।
व्यवसायीहरूले मुलुकमा लगानीमैत्री वातावरण नरहेको बताइरहँदा पर्यटन क्षेत्रमा भएको यस्तो उत्साहजक लगानीले धेरैलाई आशावादीसमेत बनाएको छ । पर्यटन वर्ष घोषणा भएपछि यसको प्रत्यक्ष लाभ उठाउन देशभरका व्यवसायीले गत वर्षमा मात्रै झन्डै १२ सय नयाँ कम्पनी सञ्चालन गरी ३ अर्ब रुपैयाँ ५६ करोडको थप लगानीको प्रतिबद्धता जनाएका छन् ।
कार्यालयका अनुसार होटल, रेस्टुराँ, ट्राभल्स तथा टुर्स, टे«किङ एजेन्सी, ¥याफ्टिङलगायतका कम्पनीमा व्यवसायीले यस्तो प्रतिबद्धता जनाएका हुन् । अघिल्लो वर्ष .(सन् २००९) मा यस क्षेत्रमा २ अर्ब ३१ करोड रुपैयाँ नयाँ लगानी भित्रिएको थियो । कार्यालयका अनुसार गत वर्षमा मात्रै मुलुकभरका ११ सय ३५ कम्पनीले ३ अर्ब ५६ करोड १८ लाख ५५ हजार रुपैयाँ लगानीको प्रतिबद्धता जनाएका छन् । योे लगानी अघिल्लो वर्षको तुलनामा १ अर्ब २४ करोड ८३ लाख ६० हजार रुपैयाँले बढी हो । अघिल्लो वर्ष कार्यालयमा दर्ता भएका ७ सय ९२ कम्पनीले २ अर्ब ३१ करोड ३४ लाख ९५ हजार रुपैयाँ लगानीको प्रतिबद्धता जनाएका थिए ।
गतवर्ष दर्ता भएका कम्पनीमध्ये ट्राभल्स तथा टुर्स व्यवसाय सञ्चालन गर्ने कम्पनीको संख्या ८ सय ४४ पुगेको छ । यस क्षेत्रमा झन्डै १ अर्ब ७४ करोड ३४ लाख ८० हजार रुपैयाँ लगानी भएको कार्यालयले जनाएको छ । सोही अवधिमा होटल, रेस्टुराँ तथा रिसोर्ट सञ्चालन गर्ने उद्देश्यले १ अर्ब ८१ करोड ८३ लाख ७५ हजार रुपैयाँ लगानीको प्रतिबद्धताका साथ २ सय ९१कम्पनी नयाँ दर्ता भएको कार्यालयको तथ्यांक छ ।
सन् २००९ मा २ सय ३६ वटा होटल, रेस्टँुरा तथा ५ सय ५६ वटा ट्राभल्स तथा टुर्स एजेन्सी दर्ता भएका थिए । गत वर्ष दर्ता भएका कम्पनीको संख्या अघिल्लो वर्षको तुलनामा ३ सय ४३ ले बढी हो । यो अवधिमा होटल तथा रेस्टँुरातर्फ १ अर्ब २९ करोड, २ लाख ४५ हजार रुपैयाँ लगानी भएको छ  । त्यसैगरी यो अवधिमा सञ्चालन गरिएका ट्राभल्स तथा टुर्स एजेन्सीले १ अर्ब २३ करोड २५ लाख रुपैयाँको प्रतिबद्धता जनाएका छन् ।
राजनीतिक असन्तुष्टिका बीच पनि पर्यटन वर्षको अभियानमा दलहरू सँगसँगै उभिएकाले व्यवसायीमा सकारात्मक सन्देश गएको छ । “दलहरूको यही सहमतिले पर्यटन क्षेत्रमा लगानी बढेको हो,” पर्यटन वर्षका राष्ट्रिय कार्यक्रम संयोजक योगेन्द्र शाक्यले भने, “पर्यटन वर्षभर बन्द–हड्ताल नगर्ने दलहरूको प्रतिबद्धताबाट निजी क्षेत्र उत्साहित छ र पर्यटनमा बढेको लगानीसमेत यसैको प्रतिबिम्ब हो ।”
दलहरूले आफ्ना प्रतिबद्धता इमानदारीपूर्वक कार्यान्वयन गर्ने हो भने लगानी अरु बढ्न सक्ने नगरकोटस्थित क्लब हिमालयका सञ्चालकसमेत रहेका शाक्यले बताए ।
कम्पनी रजिस्टार कार्यालयका अनुसार मुलुकभरबाट झन्डै १३ हजारको हाराहारीमा पर्यटन व्यवसाय दर्ता भएका छन्, जसमध्ये झन्डै ७ हजारको संख्यामा ट्राभल्स तथा टुर्स एजेन्सी छन् ।
। जसमध्ये यो अवधीमा सञ्चालन गरिएका होटल तथा रेस्टुरेन्टहरूको लगानी  १ अर्व ८१ करोड ८३ लाख ७५ हजार रुपैया रहेको छ ।  भने ट्राभल्स तथा टुर्स एजेन्सीमा १ अर्व ७४ करोड ३४ लाख ८० हजार रुपयाँ लगानीको प्रतिबद्धता जनाएको कार्यालयले जानकारी दिएको छ ।
पर्यटन क्षेत्रमा गत तीन वर्षको लगानी



२०१०    ३ अर्ब ५६ करोड १८ लाख ५५ हजार

२००९    २ अर्ब ३१ करोड ३४ लाख ९५ हजार

२००८    २ अर्ब २६ करोड ३७ लाख १४ हजार १ सय



दर्ता भएका कम्पनीको संख्या
 वर्ष                  
कुल संख्या     होटल तथा रेस्टुराँ      ट्राभल्स तथा टुर्स

२०१०                    ११३५                   २९१                     ८४४

२००९                    ७९२                    २३६                    ५५६

२००८                    ९१७                     ३४१                    ५७६

http://www.karobardaily.com/news/3858

No comments:

Post a Comment