आईएमएफको आपतकालीन राहत
अन्तराष्ट्रिय मुद्रा कोषले आफ्ना २५ सदस्य राष्ट्रको लागि आपतकालीन सहयोगको घोषणा गरेको छ । कोभिड १९ को महामारीबाट प्रभावित विपन्न मुलुकका लागि ल्प्याकेज ल्याइएको आईएमएफले जनाएको छ ।
कोषको कार्यकारी बोर्डले कोरोना महामारीको असरलाई सम्बोधन गर्न कोषको महाविपत्ति नियन्त्रण तथा राहत ट्रस्ट (सीसीआरटी) अनुसार उक्त सेवा दिने निर्णय गरेको कोषकी प्रबन्ध निर्देशक क्रिस्टालिना जर्जिएभले जनाएकी छन् । उनीद्वारा हस्ताक्षरित बिज्ञप्तिमा भनिएको छ यो प्याकेज अत्यन्त गरिब र सहयोग अत्यावश्यक देखिएका हाम्रा २५ सदस्य राष्ट्रलाई अनुदानस्वरुप सहयोग दिन लागिएको हो र यसले ती राष्ट्रको आईएमएफको ऋण अर्को छ महिनासम्मको लागि कभर गर्नेछ ।” यसबाहेक अन्य राहत र स्वास्थ्य सामग्री पनि यही सहयोगअन्तर्गत प्राप्त हुने आईएमएफले जनाएको छ ।
सीसीआरटी नाम दिइएको यो कोषअन्तर्गत तत्काल ५० करोड अमेरिकी डलर उपलब्ध हुने छ । यसमा केही समयअघि बेलायतले घोषणा गरेको १८ करोड ५० लाख र जापानले घोषणा गरेको १० करोड अमेरिकी डलर समावेश हुने छ । आइएमएफका अनुसार नेपालसहित अफगानिस्तान, बेनिन, बुर्किनाफासो, मध्य अफ्रिकी गणतन्त्र, चाड, कोमोरोस, कंगोलगायतका मुलुकले यो कोषबाट आपतकालीन् सहयोग पाउनेछन् । कोषमा चीन, नेदरल्यान्ड लगायतले पनि आईएमएफसँग सहयोगको प्रतिबद्धता जनाएका छन् । आईएमएफले सहयोगका लागि अपिल समेत गरेको छ ।
Comments
Post a Comment