सबै भन्सार नाकामा भेइकल स्क्यानर मेसिन
अर्थ मन्त्रालयले चालू आर्थिक वर्षभित्र सबै भन्सार नाकामा भेइकल स्क्यानर मेसिन जडान गर्न भन्सार विभागलाई निर्देशन दिएको छ । ६८ औं भन्सार दिवसको अवसरमा अर्थमन्त्री डा. खतिवडाले चालू आर्थिक वर्षभित्र भेइकल स्क्यानर मेसिनको उद्घाटन गर्ने गरी कार्य अगाडि बढाउन विभागलाई निर्देशन दिएका हुन् ।
यो प्रणाली जडान भएपछि आयातकताले मालसामानको विवरण वेबमा आधारित केन्द्रीय सूचना प्रणालीमा समावेश गरेर मात्र ओसार–पसार गनुपर्ने हुन्छ । जसले गर्दा अभिलेख व्यवस्थापन, व्यापार सहजीकरण, ढुवानीमा लागत घटाउने, अनुगमन लगायतका कार्यमा सहजता आउनेछ । यस्तै, अर्थमन्त्री खतिवडाले भन्सार विन्दुसँगै बैंक तथा वित्तय संस्थाको अनिवार्य व्यवस्था गर्न पनि निर्देशन दिए ।
उनले भन्सार विन्दुमा क्वारेन्टाइन, खाद्य गुणस्तर लगायतका जाचपाँस गर्ने मेशिन लगायतका उपकरण जडान गर्न निर्देशन दिएका छन् । राजस्व सचिव शिशिरकुमार ढुंगानाले पनि चालू आर्थिक वर्षभित्र कुनैपनि हालतमा भेइकल स्क्यानर मेसिन जडान हुने बताए ।
Comments
Post a Comment