अल्पकालीन तथा दीर्घकालीन रणनीति बनाइँदै
विकास साझेदारसँग सरकार
सरकारले बहुपक्षीय विकास साझेदारहरुसँगको छलफबाट विश्वभर फैलिएको कोरोनाको महामारीका कारण नेपालमा सिर्जित समस्या तथा अर्थतन्त्र पुर्नउत्थानका लागि अल्पकालीन तथा दीर्घकालीन रणनीति बनाउने भएको छ ।
एसियाली विकास बैंक, एआईआइबी, विश्व बैंक तथा अन्तर्राष्ट्रिय मुद्रा कोषलगायतका बहुपक्षीय विकास साझेदारहरु, अर्थमन्त्री डा. युवराज खतिवडा तथा नेपाल राष्ट्र बैकका नवनियुक्त गभर्नर महाप्रसाद अधिकारी सामेल हुने उक्त बैठकले कोरोनाको महामारीका कारण नेपालमा सिर्जित समस्या समाधानका लागि आवश्यक राहत तथा उद्धार कोषको स्रोत व्यवस्थापनका बारेमा पनि छलफल गर्ने विश्व बैंकका नेपालस्थित म्यानेजर फारिस हादाद जेरोभले जानकारी दिए ।
बैठक स्रोत व्यवस्थापनका लागि सहयोगी हुने भन्दै उनले कोरोनाको त्रासदीपछि अर्थतन्त्रको पुर्नउत्थान लागि आवश्यक रणनीति पछि सहयोगका स्रोतको निक्र्यौल गर्न सहज हुने बताए ।
विश्व बैंकले मंगलबार अर्थमन्त्रालयसँग २८ मिलियन अमेरिकी डलरको सहयोग सम्झौता गरेपछि पत्रकारहरुसँग कुरा गर्दै उनले अल्पकालीन तथा दीर्घकालीन रणनीतिका बारेमा पनि छलफल गरिने र त्यपछि मात्रै सहयताको प्याकेजको यकिन गर्न सकिने बताए । स्थिति गम्भिर रहेको भन्दै उनले विश्वभर फैलिएको कोरोना महामारीको प्रभाव कतिसम्म र कहिलेसम्म पर्छ भन्ने यकिन नभएको बताए ।
मंगलबार हस्ताक्षर भएको सहयोगले कोरोना भाइरसको महामारीको अवस्थामा सार्वजनिक स्वास्थ्य सुधारका लागि आवश्यक औषधी एवं उपकारणका लागि उपयोग हुने विश्वस पनि व्यक्त गरे ।
साथै यो सहयोग आवश्यक तयारीमा सहयोगी हुनेछ भन्दै उनले यसले आपतकालीन सहयोग गर्नुका साथै संक्रमितको पहिचानमा पनि सहयोग पु¥याउने अपेक्षा गरिएको पनि बताए । “सहयोगले विश्व स्वास्थ्य संगठनको मापदण्ड अनुसार परीक्षण तथा ट्रेसिङ गर्न सहयोगी हुनेछ,” उनले थपे ।
मंगलबार सहयोग आईसीयु निर्माण, अस्पतालमा आवश्यक बेड र आइसोलेसनको सुविधालगायतमा खर्च हुनेछ । यो प्रोजेक्ट स्वास्थ्य तथा जनसंख्या मन्त्रालयमार्फत खर्च हुनेछ ।
उक्त सम्झौता हस्ताक्षर समारोहमा बोल्दै अर्थ सचिव शिशिरकुमार ढुंगानाले छोटो समयमै विश्व बैंकले गरेको सहयोगप्रति धन्यवाद दिए । उनले यस सहयोगले नेपालमा कोरोनाको महामारीविरुद्ध लड्न र सार्वजनिक स्वास्थ्य क्षमता बढाउनका लागि सहयोगी हुने अपेक्षा गरे । उनका अनुसार स्वास्थ्य मन्त्रालयले तीन वटै तहको समन्वयमा यो प्रोटेक्ज लागू गर्नेछ ।
विश्व बैंकले कोरोना भाइरसको महामारी नियन्त्रण गर्न आपतकालीन प्रतिक्रिया र स्वास्थ्य प्रणाली तयारी प्रोजेक्टअन्तर्गत नेपाललाई उक्त सहयोग गरेको हो ।
https://www.karobardaily.com/news/economy/30891
Comments
Post a Comment