फोर्बस्को प्रभावशाली युवा सूचीमा ६ नेपाली
विश्व प्रसिद्ध अमेरिकी म्यागजिन फोर्बस्को सन् २०२० को लागी जारी गरेको वर्षका प्रभावशाली युवाहरूको सूचीमा ६ नेपाली युवा परेका छन् ।
एसियाका तीन सय प्रभावशाली युवाहरूको सूचीमा नेपालका य्ुवाहरु परेका ह्न् ।
फोर्बस्ले उद्यमी, सामाजिक काममा सक्रिय, नेतृत्वदायी भूमिका र समाजमा सकारात्मक भूमिका निर्वाह गरेका ३० वर्षभन्दा कम उमेरका एसियाली युवाको नाम बिहीबार सार्वजनिक गरेको हो ।
फोर्बस्को प्रभावशाली युवाको सूचीमा पर्ने नेपालका पाँच जना युवा प्रतीमा शेर्पा, निकिता आचार्य, किरण तिम्सिना, शुभांगी राणा र जेस्सेलिना राणा तथा रोहित तिवारी हुन् । छजनानै आफ्ना कार्यक्षेत्रअनुसारका विभिन्न विधाका ३० प्रभावशाली युवाको सूचीमा परेका हुन् । फोर्बस्का अनुसार यस वर्षको प्रधावशाली युवाको सूचीमा सूचीकृत हुन ३५०० को ’नोमिनेसन’ भएको थियो । जसमध्ये तीन सय जना छानिए सूचीकृत भएका छन् ।गल्फ खेलाडी प्रतीमा शेर्पा ’इन्टरटेन्मेन्ट तथा स्पोर्ट्स’ विधामा सूचीकृत छन् । ११ वर्षको उमेरमा खेल्न सुरू गरेकी उनको पहिलो गल्फ क्लब रूखको हाँगाबाट बनाइएको फोर्ब्सले लेखेको छ । उनी नेपालकी उत्कृष्ट गल्फ खेलाडी हुन् ।
यस्तै, निकिता आचार्य र किरण तिम्सिना ’अर्बान गर्ल’ अनलाइन कम्पनीका संस्थापक हुन् । ’रिटेल एन्ड इकमर्स’ विधामा सूचीकृत भएका उनीहरुले सन् २०१२ मा करिब २० हजार रूपैयाँमा व्यवसाय सुरू गरेका थिए । उनीहरुको कम्पनीले विभिन्न डिजाइनका गरगहना, ’कस्टमाइज्ड’ लुगा, पानीको बोतल, मेकअप, घर सजावटका र विद्युतीय सामान बिक्री गर्ने फोर्बस्ले जनाएको छ ।
यसैगरि, ’सोसल अन्ट्रपे्रनर’ विधामा सूचीकृत इञ्जिनियर शुभांगी राणा र मानवअधिकार अधिवक्ता जेस्सेलिना राणा ’प्याड टु गो’ संस्थाका संस्थापक हुन् । सन् २०१८ मा स्थापना भएको उनीहरको संस्थाले महिनावारी स्वास्थ्य र यसबारे समाजमा विद्यामान भ्रम हटाउन काम गर्छ । साथै, उनीहरुले देशैभर करिब ८० वटा ’प्याड भेन्डिङ मेसिन’ राखिसकेको छ ।
यस्तै, घरमा नै बनाएको खाना सप्लाई गर्ने रोहित तिवारी फुडमारियोका सहसंस्थापक हुन् ।
https://www.karobardaily.com/news/economy/30729
Comments
Post a Comment